Tuesday, 23 January 2018
India News Viral

மனைவியை தம்பிக்கு திருமணம் செய்து வைத்த வித்தியாசமான கணவன்!

பீகாரில் மாநிலத்தில் தனது சொந்த மனைவியை தம்பிக்கு திருமணம் செய்து வைத்த சம்பவம் அதிர்ச்சியை ஏற்படுத்தியுள்ளது. பீகார் மாநிலத்தில் பகல்பூரில் பவன் கோஸ்வாமி (30) என்பவருக்கும், பிரியங்கா என்ற பெண்ணுக்கும் கடந்த 4 ஆண்டுகளுக்கு முன்பு திருமணம் நடந்துள்ளது.



தற்போது டெல்லியில் வசித்து வரும் இவர்களுக்கு 2 வயதில் ஒரு பெண் குழந்தை உள்ளது. இந்த நிலையில், இரண்டு ஆண்டுகளுக்கு முன்னர் வேலையில்லாமல் இருந்த பவனின் சகோதரன் சாஜனுடன், பிரியங்காவுக்கு காதல் ஏற்பட்டுள்ளது. இந்த காதல் குறித்து தற்போது பவனுக்கு தெரியவர, வித்தியாசமான முடிவை எடுத்துள்ளார்.

அதன்படி, இந்த சம்பவம் தொடர்பாக தனது குடும்பம் சண்டையிட்டு பிரியாமல் இருக்க, தனது தம்பிக்கே மனைவியான பிரியங்காவை திருமணம் செய்து வைக்க முடிவு செய்துள்ளார்.

இதையடுத்து, முறைப்படி, பிரியங்காவிடமிருந்து, பவன் விவாகரத்து பெற்று விட்டு தனது தம்பிக்கே பிரியங்காவை திருமணம் செய்து வைத்துள்ளார். இந்த திருமணத்தில் உற்றார், உறவினர்கள் பலரும் கலந்து கொண்டனர் என்பது குறிப்பிடத்தக்கது.



இதற்கிடையில், தான் உண்மையில் சாஜனை தான் நேசிப்பதாகவும், தனது குழந்தை சாஜனைத் தான் அப்பா என்று அழைக்க வேண்டும் என்று பிரியங்கா கூறியுள்ளார். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது